El Ángel

El Ángel, de Sandrone Dazieri (2016)

Sandrone Dazieri confirma con “El Ángel” a súa capacidade para xerar unha trama complexa  e orixinal cun sorprendente final. A historia de Dante e Colomba chega cargada de interrogantes a “El Rey”, a última entrega da triloxía.

A continuación de “No está solo” (2015), que inicia a triloxía protagonizada polo atormentado Dante Torre e a impulsiva Colomba Caselli, segue a liña de thriller trepidante iniciada na primeira parte. Iso sí, o efecto sorpresa e o impacto da historia é moito maior en “No está solo” que en “El Ángel”. Algo lóxico, pois a historia do secuestro de Dante e a orixe dos seus problemas de sociabilidade é moi potente e apenas se pode competir con ela. Pese a iso, “El Ángel” introduce unha investigación con aire a Guerra Fría que engancha moito, incidindo ademais novamente nos procesos de manipulación e control da mente que tanto lle gustan a Sandrone Dazieri.

O arranque de “El Ángel” está envolto nun suposto ataque yihadista que acaba coas vidas dos pasaxeiros dun tren que viaxa de Milán a Roma. Pronto o instinto investigador de Dante descobre que algo non cada no ataque terrorista. Tras un tenso reencontro con Colomba, o primeiro desde os sucesos narrados en “No está solo”, a curiosa dupla embárcase nunha trepidante investigación que os leva por Berlín e Ulm, en Alemaña, para rematar en Venecia.

El ÁngelA investigación destapa as conexións entre antigos axentes soviéticos, organizacións infantís, un escritor oscuro e malvado e unha asasina despiadada e manipuladora que mata con moita sofisticación. Mentres a agudeza mental de Dante loita contra as súas obsesións e dificultades para entrar en sitios pechados, Colomba debátese entre os límites legais que poñen en perigo a súa carreira policial e a atracción sexual cara un misterioso comisario envolto na investigación.

O estilo narrativo de Dazieri é fiel ao iniciado na primeira entrega da saga. Ritmo áxil e trepidante, con espacio para a espectacularización de estilo televisivo. Nótase que o autor tamén é guionista de series, o que da resultado a un novo thriller de lectura máis que recomendable. Ademais, o xiro final da novela fai moi apetecible a lectura da terceira e última entrega da triloxía, “El Rey”.

 

 

FICHA TÉCNICA


Título

El Ángel


Autor

Sandrone Dazieri (tradución de Xavier González)


Ano

2.016


Edición

Primeira Edición (en castelán)


Editorial

De Bolsillo


Data

2.018


O mellor

A investigación que transcorre por Alemaña


O peor

A trama é por momentos un tanto enrevesada


A miña nota

7.5/10


Mercar El Ángel
portada El Ángel
Portada de "El Ángel"

Diego Villaverde

Xornalista, aspirante a escritor e opositor de Lingua Castelá e Literatura afincado en Alemaña. Leo máis do que escribo e escribo máis do que estudo.

2 comments

Deixa unha resposta

O teu enderezo electrónico non se publicará Os campos obrigatorios están marcados con *